پنجابی دوہڑے

غُلام محمد درد پنجابی دوہڑے

دوہڑا . 1

 

 

باہُوں چرکا ملنڑ دا خط لکھیاای

جدوں سہھ گئے آں درد جدائی دا

ہر دوجی سطر تے کیوں لکھیاای میرا چن ماہی لفظ رسائی دا

آساں کوئی نہوں رسنڑا بس اُجڑے ای ٹھیک آں

ویہلا کیتاای خرچ سیاہی دا

چنگا کیتای سٹیای’ مسعود’ نوں

تن شوق ھا سنگت پرائی دا

 

 

دوہڑا . 2

 

 

ساڈا لگدیاں واسطے دل دریا ہے بھاویں آپنڑی آپ مکانڑ ھائیں
اللہ دتی اے اکھ پہچان آلی لیندے سجنڑ نوں سجنڑ سنجانڑ ھائیں
چلو نت نئیں درد ضرورت ویلے بھائیوال دا رکھدے مانڑ ھائیں
بیلی سدن تاں جوتیاں کدی نیئں پائیاں اسیں جمے ای بیلیاں کانڑ ھائیں

 

 

 

دوہڑا . 3

 

 

 

ھاسے ڈھیر نفیس تے امن دے عادی ناسے جانڑدے رنجگیاں روسے

ہک شخص دی صورت دل لگ گئی بن سوچئیاں الٹ پیئوسے

کیتی کوشش بہوں اساں خوشیاں دی غم الٹے ڈھیر ڈھیئوسے

ناہ زندگی سانوں راس آئی ناہ مرن دے لائق رھیئوسے

 

 

 

 

دوہڑا . 3

 

 

 

رسے جگ تاں “درد”نوں فکر وی کائی نئیں میتھوں توں انسان نہ تھکیں

دتی رکھیں ٹیک ڈولاندے نوں لگھی نبھی نوں لازمی تکیں

میری غربت بخت دی آڑ نہ سمجھیں کریں حوصلہ کاوڑ ڈکیں

میں وی ٹرناں چار شریکاں وچ کج بھرم غریب دا رکھیں

 

 

 

Leave a Comment

Translate »